ആ രഹസ്യം

ഒപ്പിനായി പ്രിന്‍സിപ്പാളുടെ മുറിയിലെത്തി
സൌമ്യ മുഖം ,ഹൃദ്യമായ സ്വീകരണം,
ഞാന്‍ അത്ഭുതപ്പെട്ടു ,എന്തൊരു മാറ്റം!
പിന്നീട് ആ രഹസ്യം അദ്ദേഹം എന്നോട് പറഞ്ഞു.
വില്ലേജ് ഓഫീസില്‍ എത്തിയപ്പോള്‍ ഓഫീസറും വളരെ സൌമ്യന്‍-
അദ്ദേഹവും ആ രഹസ്യം പറഞ്ഞു.
കൃഷി ഓഫീസിലും ആ മുഖം ഞാന്‍ കണ്ടു,ആ വാക്ക് ഞാന്‍ കേട്ടു.
പള്ളിയില്‍ നമസ്കാരം കഴിഞ്ഞ് ഉസ്താദ് ലോഹ്യം കൂടിയപ്പോള്‍-
ഞാനത് പ്രതീക്ഷിച്ചില്ല,
അദ്ദേഹവും പറഞ്ഞത് ആ രഹസ്യം തന്നെ.
ദൈവത്തിന്റെ സ്വന്തം നാട്ടില്‍ എല്ലാവരും പരക്കം പായുന്നു,ആ രഹസ്യവുമായി.
ഞാനും ചോദിക്കട്ടെ ആരഹസ്യം നിങ്ങളോട് ?
നാട്ടിലെവിടെയെങ്ങിലും ഭൂമി കൊടുക്കാനുണ്ടോ ?
ഇതാ നമ്പര്‍- ൯൪൪൬൩൫൭൬൧൭.
"ബ്രോക്കര്‍മാരുടെ സ്വന്തം നാട്."

testing

testing

ഹരിശ്രീ...

എഴുത്തിനിരുത്ത് വന്‍കിട പത്രങ്ങളുടെ സര്‍കുലേഷന്‍ തന്ത്രങ്ങളായി മാറിയ ഇക്കാലത്ത് മുപ്പതു വര്‍ഷം മുമ്പത്തെ ആദ്യാക്ഷരം കുറിക്കലിന്റെ ഓര്‍മ.
വീട്ടിനടുത്തുള്ള സ്കൂള്‍ .ഒന്നാം തരത്തിലെ ആദ്യദിവസം .കള്ളിത്തുണി പഴയതായിരുന്നെങ്കിലും പുതിയ സ്ലേറ്റ്‌ ഉണ്ടായിരുന്നു. ഉപ്പാന്റെ ചെറിയ കടയിലെ വക്കുപോട്ടിയതും മറ്റു ചെറിയ തകരാറുകള്‍ ഉള്ളതുമായ സ്ലേടുകള്‍ ഞങ്ങള്‍ക്കായി മാറ്റിവെച്ചിരുന്നു. കൂടുതല്‍ കുട്ടികളും സ്ലൈറ്റ് ഇല്ലാതെ വരുന്ന കാലത്ത് ഇതു ഞങ്ങള്‍ക്ക് ഒരു അനുഗ്രഹം തന്നെയായിരുന്നു.. ബാലവാടിയിലോ മറ്റോ പോകാതിരുന്നിട്ടുമ് എനിക്ക് പേടി ഉണ്ടായിരുന്നില്ല,കാരണം വീടുപോലെ എന്നും ഓടി ചാടി ക്കളിക്കുന്ന സ്ഥലമായിരുന്നു സ്കൂളും.ഒന്നാം ക്ലാസ്സില്‍ ആദ്യം വന്നത് ജോണ് മാഷാണ് .കണ്ണേട്ടന്റെ ബാര്‍ബര്‍ ഷോപ്പില്‍ നിന്നു മെഷിന്‍ വെച്ചു വെടിപ്പാക്കിയ എന്റെ തലയിലെക്കായി മാഷിന്റെ നോട്ടം.പിന്നെ ഒരു ചോക്കുമായി അദ്ദേഹം അടുത്ത് വന്നു. "മൊട്ടയിലൊരു മൊട്ട കിടക്കട്ടെ " എന്നും പറഞ്ഞു ഒരു വട്ടപ്പൂജ്യം വരച്ചു. അദ്ദേഹം അന്നെന്റെ തലയില്‍ കുറിച്ച ആ ആദ്യാക്ഷരം-മൊട്ട-എന്നെ എന്റെ ഉത്തരപേപ്പരുകളില്‍ വളരെക്കാലം വിടാതെ പിന്തുടര്‍ന്നിരുന്നു.